ამიტომ „ავღანური გაკვეთილების“ შემდეგ, საბჭოელმა კონსტრუქტორებმა მანქანაში რიგი ცვლილება განახორციელეს, რამაც მანქანა მნიშვნელოვნად გააუმჯობესა. კერძოდ, ფოლადის ეკრანების გამოყენებამ БМП-1-ის კორპუსის ნებისმიერი სიშორიდან ნასროლი 12,7მმ. ჯავშანგამტანი ტყვიებით გახვრეტა თითქმის ნულამდე მიიყვანა. მოდერნიზაციის შედეგად მანქანის ნაღმსაწინააღმდეგო მდგრადობაც გააუმჯობესდა: ქსმ-ის წინა საყრდენი გორგოლაჭები 2,5 კგ მასის ასაფეთქებელს უძლებს, ხოლო წინა ნაწილის ფსკერი 1,2 კგ-ს. მაგრამ უახლოეს ათეულ წელიწადში მომხდარმა არაერთმა სამხედრო დაპირისპირებამ კიდევ ერთხელ დაადასტურა ის, რომ БМП-1 სრულიად უსუსურია РПГ-ს და ფუგასების წინააღმდეგ.
2011 წელს ჩეხური ფირმა “EXCALIBUR ARMY spol. s r.o.“-მა გამოფენა IDEB2011-ზე წარმოადგინა БМП-1-ის მოდერნიზაციის ახალი ვარიანტი MGC-1, ადაპტირებული თანამედროვე, მცირე ინტენსივობის, საომარი მოქმედებების თეატრისთვის.
ჩეხურ БМП-1-ში ყურადღება ძირითადად ეკიპაჟისა და დესანტის უსაფრთხოებას ეთმობა. მისი გვერდები STANAG-4569-ის მე-4 დონის დაცვას უზრუნველყოფენ, რაც 200მ სიშორიდან 911 მ/წმ სიჩქარით მოძრავი 14,5x114მმ. ტყვიის მოხვედრისგან ან 155მმ საარტილერიო ჭურვის min 30 მეტრში აფეთქებისგან იცავს. ნაღმსაწინააღმდეგო მდგრადობა კი STANAG-4569-ის მე-2 დონეს შეესაბამება(ტანკსაწინააღმდეგო ფუგასური ნაღმი - 10 კგ; 4a-ნაღმის მუხლუხოს ქვეშ აფეთქება; 4b- ნაღმის ფსკერის ქვეშ აფეთქება). დესანტი განთავსებულია სპეციალურ, ჭერზე დამაგრებულ სავარძლებზე.
შეიარაღებულია MGC-1 კოშკურაში ჩამონტაჟებული 14,5მმ КПВТ და 7,62მმ ტყვიამფრქვევებით. კოშკურა და კიჩო გაძლიერებულია დაცვის დამატებითი ბლოკებითა და NERA-ს ნახევრადაქტიური ჯავშნით. სამწუხაროდ, ჩეხმა სპეციალისტებმა აღნიშნული მოდერნიზაციის პროცესში არ გაითვალისწინეს БМП-1-ის უმნიშვნელოვანესი ნაკლი — მისი შეიარაღების ამაღლების კუთხე ისევ 30 გრადუსს შეადგენს.
გამოფენა IDEB2012-ზე ჩეხეთმა წარმოადგინა БМП-1-ის შემდგომი მოდერნიზაცია - БМП-M2 CZ. მას საბჭოთა БМП-1-გან განსხვავებით სლოვაკური ფირმა EVPU-ის ოპტიკურ-ტელევიზორული დამიზნების(სითბური ხედვის არხით) დისტანციური საბრძოლო მოდული TURRA-30 უყენია, რომელიც აღჭურვილია 2A42 ქვემეხის ჩეხური ანალოგით 30მმ CZ-30-ით და 7,62მმ ტყვიამფრქვევით. მოდულზე ასევე დაყენებულია ტსსკ(ტანკსაწინააღმდეგო სარაკეტო კომპლექსი) «Конкурс»-ის ორი რაკეტით. მოდულის სრული წონა 1200 კგ შეადგენს, შეიარაღების ამაღლების კუთხე -10 გრადუსიდან — +60 გრადუსამდე.
 |
| БМП-M2 CZ |
БМП-M1 CZ-ს გარდა ჩეხურმა ფირმამ წარმოადგინა БМП-1-ის უფრო ღრმა მოდრნიზაციაც — БМП-M2 CZ. აღნიშნულ ვარიანტში ქსმ-ის კორპუსი მძღოლ-მექანიკოსისა და მეთაურის ადგილას 300 სანტიმეტრით არის ამაღლებული, ხოლო სადესანტო ნაკვეთურში - 500 სანტიმეტრით. ბორტების შეჯავშნის მდგრადობა შეესაბამება STANAG-4569 სტანდარტის მე-3a დონეს. ნაღმსაწინააღმდეგო დაცვა შეესაბამება STANAG-4569 სტანდარტის მე-2 დონეს. შემკვეთის მოთხოვნის შემთხვევაში შესაძლებელია კორპუსის შეჯავშნის მე-4 დონემდე, ხოლო ნაღმსაწინააღმდეგო დაცვის მე-3a დონემდე აწევაც.
 |
| MGC-1 |
 |
| БМП-M2 CZ |
 |
| MGC-1 |
 |
| MGC-1 |
No comments:
Post a Comment
დაპოსტეთ თქვენი კომენტარი