ახალი ჯავშანჟილეტი და ჩაფხუტი

10.04.2014 — დღეს სპეციალური ოპერაციების ძალების ბაზაზე (ვაშლიჯვარი) ქართული წარმოების ჯავშანჩაფხუტებისა და ჯავშანჟილეტების პრეზენტაცია-გამოცდა გაიმართა, რომელსაც საქართველოს თავდაცვის მინისტრი ირაკლი ალასანია და გენერალური შტაბის უფროსი, გერენარლ-მაიორი ვახტანგ კაპანაძე დაესწრნენ. როგორც სააგენტო იპნ იტყობინება, სამხედრო ინსტრუქტორებმა ჯავშანჩაფხუტს და ჯავშანჟილეტს სხვადასხვა ტიპის ცეცხლსასროლი იარაღებიდან (პისტოლეტებით: ТТ, Luger-Parabellum, Glock 21, ავტომატით АКМ და სნაიპერული შაშხანა СВД) ესროლეს და დაზიანების ხარისხი შეამოწმეს.
ჩაფხუტის წონა 1 200-1 500 გრამს შეადგენს. ჩაფხუტის შიდა აღჭურვილობა სრულად შეესაბამება თანამედროვე დამხმარე აღჭურვილობის მოთხოვნებს. ადვილია მისი თავზე მორგება-რეგულირება, ასევე უზრუნველყოფს დარტყმის ძალის შთანთქმას და ამორტიზებას.
ჯავშანჟილეტის წონა შეადგენს 3200 გრამს. დაცვის ფართი 42 დმ. კვადრატში ( საერთო წონა 2 ჯავშანფილით იცვლება და შეადგენს 5.5კგ-დან 10 კგ-მდე.)

შედარებისთვის: 
უახლესი რუსული ჩაფხუტის წონა 1 100 - 1 200 გრამს შეადგენს, ხოლო ჯავშანჟილეტი 6Б23 10,2 კგ იწონის

მთის მგელი IV და II ( Mountain Wolf IV & II)

ფოტოები ოპერაციიდან მთის მგელი IV.
გადაღების თარიღი: 8 აგვისტო, 2013 წელი

U.S. Marines with Georgian Liaison Team 9 and Georgian soldiers with the 33rd Light Infantry Battalion investigate a compound during a patrol in Charibaya, Helmand province, Afghanistan, Aug. 8, 2013. Coalition forces conducted the patrol to meet with locals and investigate the terrain. (U.S. Marine Corps Photo by Sgt. Tammy K. Hineline / Released)
წყარო: DVIDSHUB

დამოუკიდებლობის დღე, 2013 წლის 26 მაისი. ავიაცია.

Су-25 (ხედი კაბინიდან)

Ми-24

Су-25 (მფრინავი: ზვიად ბექაური)

Су-25 -ების ჯგუფი საქართველოს დროშის ფერებს გამოსახავს თბილისის თავზე

საქართველოს თავდაცვის სამინისტრო აცხადებს მიღებას...

საქართველოს თავდაცვის სამინისტრო იწვევს 18-დან-35 წლამდე მოქალაქეებს შეიარაღებულ ძალებში და საკონტრაქტო სამხედრო სამსახურის გავლას სთავაზობს საკონტრაქტო სამხედრო სამსახურში 4 წლიანი კონტრაქტის გაფორმება შეუძლიათ სამხედრო სავალდებულო სამსახურში მყოფ პირებს, ასევე, წვევამდელებს 18 წლის ასაკიდან. პირობები: მაღალი ანაზღაურება - 700 ლარი; 20-30%-იანი ზრდის პერსპექტივით; სამხედრო მოსამსახურის და მისი ოჯახის სოციალური და სამართლებრივი დაცვა; მაღალი დონის უფასო სამედიცინო მომსახურება; გაუმჯობესებული სადაზღვევო პაკეტი; განათლება და პროფესიული ცოდნის ამაღლება; საერთაშორისო პროგრამებში და უცხოეთში სწავლის გაგრძელების შესაძლებლობა; თანამედროვე აღჭურვილობა; სრულფასოვანი კვება; საკონტრაქტო სამსახურისთვის კანდიდატების შერჩევის პერიოდში, მოქალაქეს აქვს კანდიდატის სტატუსი, რომლის დროსაც წარმოადგენს საბუთებს პირადი საქმის შესადგენად: ავტობიოგრაფია (ხელნაწერი, დაბეჭდილი) ფოტოსურათი 3X4 - 4 ცალი დაბადების მოწმობის ასლი განათლების მოწმობის ასლი; ქორწინების (განქორწინების) მოწმობის ასლი პირადობის მოწმობის ასლი მართვის მოწმობის ასლი (არსებობის შემთხვევაში) სამხედრო ბილეთის ან მიწერის მოწმობის ასლი შრომის წიგნაკის ასლი (არსებობის შემთხვევაში) ოჯახის წევრების პირადობის მოწმობის ასლები ნარკოლოგიური ცენტრიდან ცნობა შ.ს. სამინისტროდან ცნობა (ნასამართლეობის) ცნობა სოციალური მომსახურების სააგენტოდან (საპენსიო) განცხადების ჩაბარებისას მოქალაქემ თან უნდა იქონიოს: მოქალაქის პირადობის მოწმობა (დედანი და ასლი) ფოტოსურათი 3X4 2 ცალი საბუთების მიღება წარმოებს ეროვნულ სასწავლო ცენტრში „კრწანისი“ (გარდაბნის რ-ნი, სოფ კრწანისი) ასევე მე-3 ქვეითი ბრიგადის ბაზაზე (ქ. ქუთაისი - ახალგაზრდობის გამზირი, პირველი შესახვევი) დამატებითი ინფორმაციის მისაღებად დაუკავშირდით განათლების სარდლობას 2 91 02 07; 5 77 19 95 68

Бук-М1

Гиацинт-Б

კონფლიქტების მართვის თეორია

აშშ-ს სპეცსამსახურების გადამდგარი თანამშრომლის ლექცია სოფიის უნივერსიტეტში.
სოფია 2001 წ. 

ნაწილი I.

შეგახსენებთ, რომ საქართველო, საბჭოთა დროს ერთერთი ყველაზე მდიდარი რესპუბლიკა სსრკ-ში, ასევე ძლიერ ესწრაფოდა რუსეთის გავლენიდან გამოსვლას, როგორც ბალტიის ქვეყნები, რომლებზეც უკვე ვთქვი. პირველმა დამოუკიდებელმა პრეზიდენტმა, ზვიად გამსახურდიამ გაატარა
პოლიტიკა, რომლის გაკოტრება თვალნათელი იყო თავიდანვე. მისი რუსებთან კავშირები ჩვენგან არ იყო საიდუმლო. საჭიროა ვთქვათ, რომ მაშინ ყოფილი სსრკ-ის ტერიტორიას ჩვენ ვიხილავდით როგორც რუსების გავლენის ერთადერთ ზონას.

მინდა ვისარგებლო შემთხვევით და დაწვრილებით აგიხსნათ თქვენ, ბატონებო, რა აზრს ვატანთ ჩვენ, ამერიკელები, გამონათქვამს «გავლენის სფერო». გავლენის სფერო ჩვენთვის – ეს არის უპირველეს ყოვლისა სტაბილიზაციის ზონა. როცა ჩვენ ვამბობთ, რომ ესა თუ ის ქვეყანა არის ჩვენი გავლენის სფერო, ეს ნიშნავს, რომ ჩვენ ვგეგმავთ იქ სამოქალაქო მშვიდობის დამყარებას უპირველეს ყოვლისა. სამოქალაქო მშვიდობაში მყოფ ქვეყანაზე გავლენის მოხდენა გაცილებით ადვილია. ამ ქვეყნის ხალხზე გავლენა ადვილია. შეიძლება ეს ცინიკურად ჟღერს, მაგრამ გეტყვით თქვენ – დიახ, ჩვენ ცინიკოსები ვართ. ჩვენ ცინიკოსები ვართ როცა საქმე ეხება იმას, რომ ხალხი ერთმანეთს უსასრულოდ არ ხოცავდეს. როცა საქმე ეხება იმას, რომ არ იხოცებოდნენ ბავშვები, დიახ ჩვენ მაშინ ცინიკოსები ვართ. ჩვენ წავალთ ნებისმიერ ცინიკურ ნაბიჯზე, რათა შევაჩეროთ ძალადობა. და რა თქმა უნდა, რათა ფული ვაკეთოთ! – ვხუმრობ!

დაღუპული სერჟანტი სამშობლოში ჩამოასვენეს

სერჟანტ გიორგი კიკაძის ცხედრის ჩამოსვენება 

ავღანეთში გმირულად დაღუპული ქართველი სამხედრო, სერჟანტი გიორგი კიკაძე 2013 წლის 2 იანვარს სამშობლოში აშშ-ს საჰაერო ძალების ბორტით ჩამოასვენეს. ჯარისკაცს აეროპორტში დახვდენენ თავდაცვის მინისტრი ირაკლი ალასანია, აშშ-ს ელჩი საქართველოში რიჩარდ ნორლანდი და სხვა ოფიციალური პირები. ამასთან დაკავშირებით თავდაცვის სამინისტრომ გაავრცელა განცხადება, რომელსაც გთავაზობთ უცვლელად:

დაუყონებლივი პასუხი - 2009

გთავაზობთ სწავლება „დაუყონებლივი პასუხი -2009“-ის ამსახველ რამდენიმე სურათს.

ტაკტიკური სარაკეტო კომპლექსი SS-21 "Scarab" (9К79-1 Точка-У) [დაუსრულებელი ვერსია]

ნატოს კლსიფიკაციით SS-21 "Scarab" ანუ რუსული ტაქტიკური სარაკეტო კომპლექსი 9К79-1 Точка-У – გამიყენება მტრის თავდაცვის სიღრმეში მცირე ზომის წერტილოვანი მიზნების გასანადგურებლად: თვითმფრინავების და შვეულმფრენების სადგომების, საჯარისო საკომანდო პუნქტების, სახმელეთო სადაზვერვო-შემტევი კომპლექსების, სარეზერვო ძალების, საწვავის, საწყობების და სხვა მატერიალური საშულებების.

შემადგენლობა

საბრძოლო საშუალებები

• რაკეტები:

• 9М79Б, 10 კტ სიმძლავრის ბირთული საბრძოლო ქობინით АА-60
• 9М79Б1, განსაკუთრებული მნიშვნელობის ბირთული საბრძოლო ქობინით АА-86
• 9М79Б2, ბირთული საბრძოლო ქობინით АА-92
• 9М79Ф, განსაზღვრული მოქმედების მსხვრევად-ფუგასური საბრძოლო ქობინით 9Н123Ф (9М79-1Ф)
• 9М79К, კასეტური საბრძოლო ქობინით 9Н123К (9М79-1К)
• 9М79ФР, მსხვრევად ფუგასური საბრძოლო ნაწილით და თვითდამიზნებადი თვაკით 9Н123Ф-Р (9М79-1ФР) 

• გამშვები დანადგარები:

• 9П129 (9М79Ф-Р რაკეტის გარდა) (9П129-1)
• 9П129М (9П129-1М)
• 9П129М-1 

• სატრანსპორტო-დამტენი მანქანა: 9Т218 (9Е218-1)

სპეციალური სატრანსპორტო საშუალებები

• სატრანსპორტო მანქანები: 9Т238, 9Т222
• მანქანა-საცავები: НГ2В1 (НГ22В1) ტიპის სპეციალური მანქანა
• კონტეინერები

• 9Я234 სარაკეტო ნაწილისთვის და რაკეტისთვის
• 9Я236 საბრძოლო ქობინისთვის 

•  სააეროდრომო-სასაწყობო ურიკები:

• 9Т127, 9Т133 სარაკეტო ნაწილისთვის
• 9Т114 საბრძოლო ქობინისთვის

 ტექნიკური მომსახურების და სარეგლამენტო სამუშაოების საშუალებები

• საბრძოლო ქობინზე და რაკეტაზე სარეგლამენტო სამუშაოების ჩასატარებელი ავტომატიზირებული საკონტროლო-საგამოცდო მანქანა АКИМ 9В819 (9В819-1) 
• АКИМ 9В819-ის და გამშვები დანადგარის საკონტროლო აპარატურის შესამოწმებელად – ტექნიკური მომსახურების მანქანა МТО 9В844  
• საბაზო ნაწილის (შასის) სარემონტოდ და მომსახურებისთვის განკუთვნილი ტექნიკური მომსახურების მანქანა МТО-4ОС
• ბაზებზე და არსენალში სარეგლამენტო სამუშაოების ჩასატარებელად – არსენალური აღჯურვილობის კომპლექტი 9Ф370

კავშირგაბმულობის მართვის საშუალებები

• საშტაბო-სამეთაურო მანქანა Р-145БМ (Р-130, Р-111, Р-123)

სასწავლო-სავარჯიშო საშუალებები

• სასწავლო-სავარჯიშო რაკეტები – 9М79Ф-УТ, 9М79К-УТ
• სასწავლო-სავარჯიშო საბრძოლო ქობინი –9Н39-УТ, 9Н64-УТ
• წონურ-გაბარიტული მაკეტი – 9М79-ГВМ
• სარაკეტო ნაწილის ჭრილური მაკეტი – 9М79
• განსაზღვრული მოქმედების მსხვრევად-ფუგასური ქობინის ჭრილური მაკეტი – 9Н123Ф-РМ
• კასეტური ქობინის ჭრილური მაკეტი – 9Н123К-РМ

ტრენაჟორები

• გამშვები დანადგარის გათვლის სავარჯიშო კომპლექსური ტრენჟორი 9Ф625
• გამშვები დანადგარის მძღოლ-მექანიკოსის მართვის პულტის ტრენაჟორი 2У43
• ოპერატორის ტრენაჟორი 2У420
• 1Г17 გიროკომპასიდან ანათვალის ამოღების მოხსნის ტრენაჟორი – 2У41   
• 2У413 – ტრენაჟორი-რაკეტა 9М79Ф, კომპლექსის ელემენტების ურთიერთქმედება 

რაკეტა  9М79 (9М79-1)

რაკეტა  9М79 (9М79-1) – ერთსაფეხურიანი, მართვადი. შედგება სარაკეტო და საბრძოლო ნაწილისგან.

სარაკეტო ნაწილი (შემდგომში – სნ) განკუთვნილია ქობინის მიზნამდე ტრანსპორტირებისთვის და შეიცავს:
1. სარაკეტო ნაწილის კორპუსი. სნ-ის კორპუსი განკუთვნილია სარაკეტო ნაწილის ყველა ელემენტის განსათავსებლად. სნ-ის კორპუსი არის ძალური დანადგარი , რომელიც თავის თავზე იღებს რაკეტაზე მოქმედ გადატვირთვებს როგორც ჰაერში ფრენისას, ასევე სახმელეთო ექსპლუატაციისას. მის შემადგენლობაში შედის:
ხელსაწყოთა ნაკვეთურის კორპუსი. ხელსაწყოთა ნაკვეთურის კორპუსი განკუთვნილია სამართავი სისტემის ცალკეული ხელსაწყოების განსათავსებლად. ის შესრულებულია ცილინდრული ფორმის ალუმინის შენადნობისგან. წინა ნაწილში აქვს შპანგოუტი – ექვსი ქანჩიანი ხრახნითა და სამი მიმართული სარჭით. კორპუსი წინა ნაწილში ჰერმეტულად, ხუფით იხუფება.
სარაკეტო ნაწილის კორპუსის ქვედა ნაწილში მდებარეობს 205 (214) კონტაქტზე გათვლილი გასართი, რომლის მეშვეობით მყარდება კავშირი სამართავ სისტემის ხელსაწყოებსა და სახმელეთო სამართავი პულტის აპარატუტურას შორის. ქვედა ნაწილში ასევე განლაგებულია სატრანსპორტო კავი.
ხელსაწყოთა ნაკვეთურის კორპუსს მარჯვენა მხრიდან აქვს ილუმინატორი, გიროსტაბილიზირებული პლატფორმასა და გამშვებ დანადგარს (9П129 ან АКИМ 9В819) შორის ოპტიკური კავშირის დასამყარებლად.
ზედა მარცხენა მხარეს მდებარეობს ლიუკი №2 (№2 ლიუკში განთავსებულია საპაკეტო გადამრთველი და გასაღები, სასწავლო მიზნით გაუმართაობის შესატანად); №2 ლიუკის გვერდით მდებარეობს №3 ლიუკი, რომელშიც განთავსებულია შტეპსელური გასართი ШР37. ამ შტეპსელურ გასართს უერთდება №27-ე კაბელი საბრძოლო ნაწილში ტემპერატურის გასაზომად.
ხელსაწყოთა ნაკვეთურის კორპუსის შიგნით მდებარეობს:
გიროსტაბილიზირებული პლატფორმა (ან საკომანდო-გიროსკოპული ხელსაწყო) ГСП 9Б64 (9Б64-1)
დისკრეტულ-ალალოგიური გამოთლითი მოწყობილობა  ДАВУ 9Б65 (9Б638)
საბორტე ავტომატიკის ბლოკი 9Б66 (9Б66-1)
მართვის ბლოკი 9Б150 (9Б150-1)
კუთხური სიჩქარეებისა და აჩქარებების სენსორი ДУСУ-1-30В

ძრავული დანადგარის (ძდ) კორპუსი.  ძდ-ის კორპუსი განკუთვნილია საწვავი მუხტისა და აალების კვანძების (ამაალებელი და ორი პიროვაზნა) დასამაგრებლად/განსათავსებლად. კონსტრუქციის კორპუსი დამზადებულია ზემტკიცე ფოლადისგან; ქვს 3 შპანგოუტი – წინა, უკანა, შუა. წინა შპანგოუტს ემაგრება ორი სატრანსპორტო კავი, ხოლო წინა მის უკანა ნაწილში მიდუღებულია სამი დამშვები კავი. შუა შპანგოუტზე გვაქვს ფრთების ფიქსაციის და დამაგრების ოთხი კვანძი. უკანა შპანგოუტის ზედა ნაწილში მაგრდება სატრანსპორტო კავი, ქვედა ნაწილში – 2 გამშვები კავი და ერთი ფიქსატორი რაკეტის გამშვებ დანადგარზე/სატრანსპორტო-დამტენ მანქანაზე დამაგრებისათვის და რაკეტის აწევისას მისი  დაკავებისთვის. შიგნიდან კორპუსი თერმოდამცავი საფარით არის დაფარული.
კუდა ნაკვეთური კორპუსი (კნკ). კნკ-ში განთვსებულია მართვის სისტემის (მს) ხელსაწყოები და იმავე დროს ის ასრულებს რეაქტიული ძრავის კონუსის როლს(ალუმინი). აეროდინამიკული და აირნაკადების საჭეების დასამაგრებლად, კორპუსის უკანა ნაწილში არსებობს სამაგრი 4 კვანძი. კნკ-ს ძირში დამაგრებულია „ჩასვლის“ სენსორი.  „ჩასვლის“სენსორის დანიშნულება წამყვანი საჭის ჩართვაა (გაშვების მომენტში ფრენის პროგრამის დაწყებისთვის). კორპუსის ზედა ნაწილში განთავსებულია №11 და №13  ლიუკი, ჰიდრავლიკური დანადგარის მკვებავი ზეთის ავზთან ზეთის შლანგის მისაყვანად.
კნკ-ს ქვედა ნაწილში არსებობს ორი ნახვრეტი, მომუშავე  კვების ტურბოგენერატორული წყაროს აირების გამოსადევნად. კორპუსს გარედან და შიგნიდან თერმოდამცავი საფარი აქვს.
კუდა ნაკვეთური კორპუსში მდებარეობს:
აირტურბინული ბლოკი 9Б152 (9Б186)
წინააღმდეგობების ბლოკი 9Б151 (9Б189)
მარეგულირებლების ბლოკი 9Б242 (9Б242-1)
საჭის 4 მანქანა: ზედა – 9Б69 –2 ცალი; ქვედა – 9Б68 – 2 ცალი (9Б89 – 4 ცალი)
აეროდინამიკული ზედაპირი. აეროდინამიკული ზედაპირები – 4 აეროდინამიკული საჭე, 4 აირნაკადების საჭე, 4 ფრთა.აეროდინამიკული საჭეები რაკეტას მართავენ ფრენის მთელ ტრაექტორიაზე. მათთან ერთად ერთ ლილვზე მდებარეობენ ვოლფრამის შენადნობისგან დამზადებული აირნაკადების საჭეები, რომლებიც ასევე ასრულებენ რაკეტის მართვას რეაქტიული ძრავის მოქმედების დროს.
კაბელური ღეროები. ორი კაბელური ღერო განკუთვნილია კაბელების განსათავსებლად, მართვის სისტემის მოწყობილობების შორის კავშირის დამყარების მიზნით.

2. ძრავული დანადგარი

3. მართვის სისტემა.  მართვის სისტემა (მს) – ავტონომიური, ინერციული, საბორტე ციფრული გამოთვლითი კომპლექსით. რაკეტა მართვადია თავის სრულ ტრაექტორიაზე, რაც უზრუნველყოფს მოხვედრის მაღალ სიზუსტეს. ქობინის აფეთქების ენერგიის ეფექტურად გომოყენებისთვის, რაკეტა მიზანთან მოახლოებისას ახდენს სპეციალურ მანევრირებას (ტანგაჟის კუთხით დაბრუნვას), რაც უზრუნველყოფს 90° -თან მოახლოებულ შემხვედრ კუთხეს. ამავე მიზნით მსხვრევად-ფუგასური ქობინის 9Н123Ф -ის ღერძი რაკეტის კორპუსის ღერძის მიმართ გარკვეული კუთხით შებრუნებულია ქვემოთ. დაზიანების ფართობის მაქსიმალურად გასაზრდელად საბრძოლო ნაწილი 9Н123Ф, ჰაერში, 20 მეტრის სიმაღლეზე ფეთქდება.
რაკეტა 9М79-ის მართვის სისტემის (9Б63) საბორტე აპარატურა:
საკომანდო-გიროსკოპული მოწყობილობა 9Б64
დისკრეტულ-ანალოგიური გამომთვლელი  მოწყობილობა 9Б65
ჰიდროამძრავი 9Б616

• ავტომატიკის ბლოკი 9Б66
• მკვებავი ჰიდრავლიკური დანადგარი 6Б67
• მექანიზმი საჭისა (ზედა) 9Б68 (2 ცალი); მექანიზმი საჭისა (ქვედა) 9Б69 

კვების ტურბოგენერატორული წყარო 9Б149

• მართვის ბლოკი 9Б150
• წინაღობის ბლოკი 9Б151
• აირტურბინის ბლოკი 9Б152
• რეგულატორების ბლოკი 9Б242

კუთხური სიჩქარეების და აჩქარებების გადამწოდი ДУСУ1-30В

კაბელების კომპლექტი

რაკეტა 9М79-1-ის მართვის სისტემის (9Б84-1) საბორტე აპარატურა:

ცხინვალში აფეთქებული და მიტოვებული ტექნიკა

თურქეთის თავდაცვის მინისტრის ვიზიტი საქართველოში

საქართველოში ოფიციალური ვიზიტით თურქეთის რეპუბლიკის ეროვნული თავდაცვის მინისტრი ისმეთ ილმაზი იმყოფება. დღეს, 2012 წლის 18 ივლისს, თურქი კოლეგა საქართველოს თავდაცვის მინისტრმა დიმიტრი შაშკინმა მიიღო. დახვედრის ოფიციალური ცერემონიალი საქართველოს თავდაცვის სამინისტროში გაიმართა. პირისპირ
შეხვედრაზე მხარეებმა რეგიონალური უსაფრთხოების საკითხები, თავდაცვის სფეროში მიმდინარე რეფორმები - განსაკუთრებით სამხედრო განათლების კუთხით და ავღანეთში ISAF-ის მისიაში ქართული კონტინგენტის მონაწილეობის საკითხები განიხილეს. 2010 წლიდან ორი ქართველი მეკავშირე ოფიცერი თურქული კონტინგენტის შემადგენლობაში ავღანეთის სამშვიდობო ოპერაციაში იღებს მონაწილეობას.

„ლაზიკას“ წარმოება

აშშ საქართველოს ჰსთ-ს შექმნაში დაეხმარება

ამერიკის შეერთებული შტატების სახელმწიფო დეპარტამენტი საქართველოში ჰილარი კლინტონის ვიზიტს აჯამებს. სპეციალური განცხადება სახელმწიფო დეპარტამენტის საიტზე გამოქვეყნდა.

განცხადებაში ნათქვამია, რომ პარტნიორობის ფარგლებში, ვაშინგტონი საქართველოს საჰაერო, სანაპირო დაზვერვის და თავდაცვის სისტემის განვითარებაში დაეხმარება. სახელმწიფო დეპარტამენტი არც სამხედროების წვრთნაში დახმარებას გამორიცხავს.

ფოტორეპორტაჟი ჰელმანდის პროვინციიდან

გთავაზობთ საქართველოს შეიარაღებული ძალების მცირე ფოტორეპორტაჟს ჰელმანდის პროვინციიდან, ავღანეთი.

კაპრალი ვალერი მელაშვილი, 31-ე მსუბუქი ქვეითი ბატალიონი. 16 მაისი 2012 წელი. ავღანეთი, ჰელმანდის პროვინცია.

კაპრალი ვალერი მელაშვილი, 31-ე მსუბუქი ქვეითი ბატალიონი. 16 მაისი 2012 წელი. ავღანეთი, ჰელმანდის პროვინცია.

რიგითი ნიკო მანაგაძე, 31-ე მსუბუქი ქვეითი ბატალიონი. 16 მაისი 2012 წელი. ავღანეთი, ჰელმანდის პროვინცია.

რიგითი ნიკო მანაგაძე, 31-ე მსუბუქი ქვეითი ბატალიონი. 16 მაისი 2012 წელი. ავღანეთი, ჰელმანდის პროვინცია.

კაპრალი ლაშა გრიგოლავა, 31-ე მსუბუქი ქვეითი ბატალიონი. 16 მაისი 2012 წელი. ავღანეთი, ჰელმანდის პროვინცია.

კაპრალი გიორგი ხარაიშვილი, 31-ე მსუბუქი ქვეითი ბატალიონი. 16 მაისი 2012 წელი. ავღანეთი, ჰელმანდის პროვინცია.

კაპრალი გიორგი ჯინჭარაძე, 31-ე მსუბუქი ქვეითი ბატალიონი. 16 მაისი 2012 წელი. ავღანეთი, ჰელმანდის პროვინცია.

კაპრალი გიორგი ხარაიშვილი, 31-ე მსუბუქი ქვეითი ბატალიონი. 16 მაისი 2012 წელი. ავღანეთი, ჰელმანდის პროვინცია.

კაპრალი ლაშა გრიგოლავა, 31-ე მსუბუქი ქვეითი ბატალიონი. 16 მაისი 2012 წელი. ავღანეთი, ჰელმანდის პროვინცია.

კაპრალი ლაშა გრიგოლავა, 31-ე მსუბუქი ქვეითი ბატალიონი. 16 მაისი 2012 წელი. ავღანეთი, ჰელმანდის პროვინცია.

ფოტორეპორტაჟი Agile Spirit-დან

გთავაზობთ მცირე ფოტორეპორტაჟს 13 მაისს ვაზიანის სამხედრო პოლიგონზე გამართული ქართულ-ამერიკული ერთობლივი წვრთნებიდან Agile Spirit.
წვრთნებში მონაწილეობდნენ ამერიკის შეერთებული შტატების საზღვაო ქვეითთა კორპუსის და საქართველოს შეიარაღებული ძალების მე-4 ქვეითი ბრიგადის მებრძოლები.

Тополь-ის გამოცდა ხალხმა ღვთიურ მოვლენად აღიქვა

2012 წლის 7 ივნისს თბილისის დროით დაახლოებით 21:40 -ზე საქართველოს, აზერბაიჯანის, სომხეთის, ისრაელისა და რუსეთის მოსახლეობამ ზეცაში „უცხო“ ნათება შეამჩნია. აღნიშნული ნათება გრძელდებოდა რამოდენიმე წუთს, შემდგომ იგი დაიწყო სპირალისებური მოძრაობა და გალაქტიკის ფორმა მიიღო. ხალხმა ეს მოვლენა სხვადასხვაგვარად აღიქვა, გთავაზობთ ხალხის მიერ წარმოთქმულ რამოდენიმე „ეპიკურ“ მოსაზრებას: „ეს ღვთის ნიშანი“, ეს სასჯელია ღმერთისგან, „უცხოპლანეტელები გვიტევენ“, „ცაში ამოუცნობი მფრინავი ობიექტია“. ზოგმა ასტრონომმა ეს მოვლენა მეტეორიტის ჩამოვრდნას დაუკავშირა.
სინამდვილეში, 7 ივნისს, თბილისის დროით 21:39 წუთზე ასტრახანიდან, სარაკეტო ჯარების პოლიგონ კაპუსტინ-იარიდან მოხდა საკონტინენტთაშორისო ბალისტიკური რაკეტის 15Ж65-ს (РС-12М "Тополь") გაშვება ყაზახეთში ბალხაშის ტბიდან ჩრდილო-დასავლეთით მდებარე სარი-შაგანის პოლიგონის მიმართულებით.

მოგვიანებით რუსეთის თავდაცვის სამინისტროს სტრატეგიული დანიშნულების სარაკეტო ჯარების პოლკოვნიკმა, ვადიმ კოვალმა, განცხადება გააკეთა და აღნიშნა, რომ გაშვებულმა რაკეტამ წარმატებით გაანადგურა პირობითი სამიზნე. მისისვე თქმით რაკეტის გაშვების მიზანი იყო ხანგრძლივი ექსპლუატაციის პირობებში აღნიშნული კომპლექსის საფრენოსნო მახასიათებლების, ბრძოლისუნარიანობის და სიზუსტის შემოწმება.
რაც შეეხება ნათებას;
ბალისტიკური რაკეტა აღჭურვილია სამ საფეხურიანი ძრავით რაც მას სწრაფ სტარტში ეხმარება. ვერტიკალურად ზევით აღმართული გამშვები დანადგარიდან, ნატოს კვალიფიკაციით 46 ტონიანი რაკეტა РС-12М2-ი, წნევის დენთური აკუმულატორების ზეწოლით რამოდენიმე მეტრის სიმაღლეზე გამოიტყორცნება და ამ დროს ირთვება პირველი საფეხურის ძრავა. 20-30 კმ. სიმაღლეზე პირველი საფეხურის ძრავა შორდება რაკეტას და ირთვება მე-2  საფეხურის ზრავა. მე-3 საფეხურის ძრავა ირთვება 80-90 კმ. სიმაღლეზე და წინამორბედების მსგავსად შორდება რაკეტას 200  კმ. სიმაღლეზე 5 გრადუსიანი კუთხით. საბოლოოდ რაკეტა ტრაექტორიის აპოგეიას 350 კმ. სიმაღლეზე აღწევს და იწყებს ბალისტიკურ ფრენას 8 800 კმ რადიუსით.

სბრ-ის ფრენის ეტაპები

სავარაუდოდ, სწორედ მე-3 საფეხურის ძრავის მოცილების თვითმხილველი გახდა მოსახლეობა. ძრავა მოცილების შემდეგ იწყებს სპირალისებურ მოძრაობას და რადგან სროლის სიშორე ამ შემთხვევაში არ შეადგენდა მაქსიმუმს, ძრავაში მოცილებისას საწვავი უნდა ყოფილიყო და სპირალისებური ნათებაც ამ საწვავის წვამ გამოიწვია...

სბრ Тополь-М-ის ტტმ-ი

სროლის მაქსიმალური მანძილი	10 000 კმ
რაკეტის სიგრძე	21.5 მეტრი
სასტარტო მასა	45 ტონა
ქობინი	1 ტონა. მონობლოკური.
ქობინის სიმძლავრე	0.55 კილოტონა.
ძრავი	მყარსაწვავიანი, 3 საფეხურიანი.
რაკეტის პირველი საფეხურის მასა.	27.8 ტონა
პირველი საფეხურის სიგრძე	8.1 მეტრი
მეორე საფეხურის სიგრძე	4.6 მეტრი
მესამე საფეხურის სიგრძე	3.9 მეტრი
ქობინის სიგრძე	2.1 მეტრი
კორპუსის დიამეტრი (პირველი საფეხურის)	1.8 მეტრი
კორპუსის დიამეტრი (მეორე საფეხურის)	1.55 მეტრი
კორპუსის დიამეტრი (მესამე საფეხურის)	1.34 მეტრი
სატრანსპორტო-გამშვები კონტეინერის დიამეტრი	2 მეტრი
დამიზნების სისტემა	ინერციული
საბრძოლო პატრულირების ფართობი	125 000 კმ2
შასი	МАЗ-7917

ბაქო


ერევანი


თბილისი


რუსეთი


Тополь-М-ის სტარტი

კადეტთა სამხედრო ლიცეუმი აცხადებს მიღებას

ლიცეუმში მიიღებიან:

ზოგადსაგანმანათლებლო სასწავლო დაწესებულების 17 წლამდე ასაკის  მოსწავლეები-ვაჟები, რომლებიც 2011-2012 სასწავლო წელს წარმატებით დაამთავრებენ საბაზო საფეხურს (ცხრა კლასი).

სწავლის პირობები:

-სწავლა წარიმართება საქართველოს განათლებისა და მეცნიერების სამინისტროს ეროვნული სასწავლო გეგმის და დამატებითი სამხედრო პროგრამის მიხედვით;

-სწავლა 3 წლიანია;

-სწავლის დასრულების შემდეგ კადეტები მიიღებენ სრული საშუალო განათლების ატესტატს და შესაბამის სამხედრო სერთიფიკატს;

-კადეტები უზრუნველყოფილი იქნებიან კვებით, საცხოვრებელი ადგილით (ყაზარმა), სამედიცინო მომსახურებით, სამხედრო და სასპორტო ფორმებით და სრული სასწავლო აღჭურვილობით.
წარსადგენი საბუთები:

-მშობლის (კანონიერი წარმომადგენლის) განცხადება კადეტის მიღების შესახებ;

-პირადობის დამადასტურებელი მოწმობის ასლი;  

-დაბადების მოწმობის დედანი და ასლი;

-ცნობა ჯანმრთელობის შესახებ (ფორმა #100);

-ცნობა საჯარო  სკოლიდან ზოგადი განათლების საბაზისო საფეხურის (9 კლასი) მიმდინარე წელს დამთავრების შესახებ, თანდართული შეფასების ფურცლით;

- დახასიათება სკოლიდან;

-ავტობიოგრაფია;

-სურათი 3X4-ზე (2 ცალი).

მისაღები ტესტები:

- ზოგადი უნარების ტესტი (შესაბამისი საფეხური). 

- ფიზიკური ტესტი;

- სამედიცინო შემოწმება. 

ლიცეუმში ჩაირიცხება სამედიცინო კომისიის მიერ ჯანმრთელად ცნობილი და კონკურსში მაღალი რეიტინგის მაჩვენებლის მქონე 100 მოსწავლე. მნიშვნელოვანი ყურადღება მიექცევა ზოგადი განათლების საბაზო საფეხურის შეფასების ქულას.

საბუთების მიღება იწარმოებს 18 ივნისიდან 2 ივლისის ჩათვლით შემდეგ მისამართზე: 

ქალაქი ქუთაისი, ავტომშენებლის #51

დაწვრილებითი ინფორმაციისთვის დარეკეთ:

ტელ: 0431 29 61 15; 0431 29 80 01; 577 19 94 56
დაწვრილებითი ინფორმაციისთვის ეწვიეთ თავდაცვის სამინისტროს ვებ გვერდს

აშშ-ს საზღვაო ფლოტის კრეისერი “Philippine Sea“ საქართველოშია

დახვედრის საზეიმო ცერემონიალი ბათუმის  ნავსადგურში საქართველოს შსს-ს სასაზღვრო პოლიციის უფროსის მოადგილის, სანაპირო დაცვის დეპარტამენტის დირექტორის, პირველი რანგის კაპიტან ბესიკ შენგელიას მონაწილეობით გაიმართა.
ვიზიტის ფარგლებში სანაპირო დაცვის ხელმძღვანელობისა და ხომალდის მეთაურების შეხვედრაა დაგეგმილი. ამასთან, წრთვნების დაგეგმვის მიზნით ამერიკული გემის ეკიპაჟი და სანაპირო დაცვის ოფიცრები საერთო შეხვედრას გამართავენ. 18 ოქტომბერს კი აშშ-ის ხომალდი "PHILIPPINE SEA" და სანაპირო დაცვის კატარღები P-101 და P-102 ზღვაში ერთობლივ პრაქტიკულ წვრთნებში მიიღებენ მონაწილეობას.
„ტიკონდეროგას“ კლასის გემები იყვნენ პირველები აშშ-ს საზღვაო ძალების შემადგენლობაში რომლებიც აღიჭურვნენ საბრძოლო ინფორმაციისა და მართვის სისტემა „იჯისით“, რო­მე­ლიც ხო­მალდს სა­შუ­ა­ლე­ბას აძ­ლევს, 190 კმ-ს რა­დი­უს­ში ერ­თ­დ­რო­უ­ლად უთვალთვალოს და მიიტანოს იერიში საჰაერო, მიწისზედა, წყალზედა და წყალქვეშა სამიზნეებზე.  სისტემის მთავარი ელემენტი არის მისი უნივერსალური რადიოლოკაციური სადგური AN/SPY-1 A, B ან D, 5 მვტ სიმძლავრის ოთხი ბრტყელი ფაზირებული საანტენო საფარი, რომელიც ასრულებს დაკვირვებას 360°-ზე.
„იჯისს“ შესწევს ძალა ავტომატურ რეჟიმში აწარმოოს 250-დან 300-დე მიზნის ძებნა, აღმოჩენა, თვალთვალი და ყველაზე სახიფათო სამიზნეებს დაუმიზნოს 18-მდე  SM-2 (RIM-66 Standard missile) ან SM-3 (RIM-161 Standard Missile 3) ტიპის მართვადი საზენითო რაკეტა.

• სისტემის მოქმედება ვრცელდება გემიდან 190 კმ-ზე  360°-ით.

•   საჰაერო-კოსმოსური სამიზნეების აღმოჩენის სიშორე 320 კმ-თ შემოიფარგლება.

 r

"USS Philippine Sea (CG-58)"-ი საქართველოს ტერიტორიულ წყლებს 20 ოქტომბერს დატოვებს.

საბრძოლო საგუშაგო „შუკვანი“

ISAF-ის ოპერაციაში დაღუპული ქართველი მებრძოლის სახელს საბრძოლო საგუშაგო ატარებს.
5 სექტემბერს ავღანეთში, ჰილმანდის პროვინციაში, საბრძოლო ოპერაციის დროს დაიღუპა უფროსი ლეიტენანტი მუხრან შუკვანი, მესამე ბრიგადის 31-ე ბატალიონის ასეულის მეთაური.

საგუშაგო სადაც მუხრან შუკვანი მსახურობდა მის საპატივცემოდ  „შუკვანის“ სახელს ატარებს

„სანამ გარდავიცვლები, მინდა ისე გავლიო წუთისოფელი, რომ სიკვდილიც საამო იყოს და ღმერთმა მიიღოს ჩემი ცოდვილი სული“

არადა, ზოგჯერ ისეც ხდება, რომ არ ელი, ის კი მოდის”, – მიუხედავად იმისა, რომ ამ სტრიქონების ავტორი მუხრან შუკვანი გამუდმებით სიკვდილს უყურებდა თვალებში, მაინც არ ელოდა, რომ სნაიპერის ტყვია 2010 წლის 5 სექტემბერს მოუსწრაფებდა სიცოცხლეს. ამ დღეს დაიწყო კიდევ ერთი ტრაგედია, მუხრანი პირველი “ავღანელი” იყო, რომლის ქართულმა სისხლმაც კვლავ მორწყო უდაბნოს მიწა.
 
5 სექტემბერს ავღანეთში, ჰილმენდის პროვინციაში, საბრძოლო ოპერაციის დროს დაიღუპა უფროსი ლეიტენანტი მუხრან შუკვანი, მესამე ბრიგადის 31-ე ბატალიონის ასეულის მეთაური. 30 სექტემბერს პოლკოვნიკი რამაზ გოგიაშვილი, სერჟანტი დავით ცეცხლაძე, კაპრალი გიორგი კოლხიდაშვილი და კაპრალი ნუგზარ კალანდაძე შეიწირა ჰილმენდის პროვინციის დაცვამ. აფეთქების შედეგად ამავე ბატალიონის კაპრალმა, 25 წლის ალექსანდრე გითოლენდიამ ორივე ქვედა კიდური დაკარგა. მას გადაუდებელი ოპერაცია ჩაუტარდა და გერმანიაში მკურნალობს.

ასე იქცა სექტემბერი საქართველოს თავდაცვის სისტემისთვის წლის ყველაზე ტრაგიკულ თვედ.

სამწუხაროდ, ამ გმირების შესახებ თავდაცვის სამინისტროს ვებგვერდზეც და უშუალოდ უწყების პირველი პირებისგანაც ძუნწად გაიცა ინფორმაცია ტრაგედიის პირველივე დღეებში. თავდაცვის უწყებას არც შემდეგ უთქვამს არაფერი ავღანეთში დაღუპულთა შესახებ. მაშინ, როცა ავღანეთში სამშვიდობო ოპერაციის დროს ქართველების მსგავსად დაღუპული ბიჭები ეროვნული გმირებივით დაკრძალეს იტალიაში, საფრანგეთში, აშშ-ში, დიდ ბრიტანეთში და სხვაგან.
ლეიტენანტი მუხრან შუკვანი მონაწილეობდა ერაყის სამშვიდობო მისიაშიც, შეიარაღებულ ძალებში უმწიკვლო სამსახურისთვის მიღებული აქვს მესამე ხარისხის უწყებრივი ჯილდო.